ЦХИНВАЛ, 6 июн — Sputnik, Гæбæраты Элина. Хуссар Ирыстоны Ленингоры районы арæнгæрон хъæу Раздæхæны цæрджытæ радзырдтой сæ проблемæты тыххæй районы администрацийы сæргълæууæг Гæджиты Иларионимæ. Уый тыххæй Sputnik-æн фехъусын кодта районы администрацийы пресс-службæйы хистæр Кокойты Анжела.
"Нысангонд æрцыдысты цæрæнуатон-коммуналон проблемæтæ. Хъæуы цæрджытæ бадзырдтой къухдариуæгадмæ, цæмæй хæрзарæзт скæной суадоны алыварс территори. Суадоны цалцæджы фæстиуæгæн фæфылдæр уыдзæн йæ дебет", - банысан кодта Кокойты Анжела.
Раздæхæны хъæуы цæрджытæ æрдзырдтой сæ проблемæтыл РХИ Ленингоры районы сæргълæууæгимæ
© Photo : Пресс-служба Ленингорского района
Йæ ныхæстæм гæсгæ, районы администраци бавнæлдта ноджы иу актуалон проблемæйы скъуыддзагмæ – хъазæн фæзуаты хæрзарæзтадмæ сывæллæттæн.
Раздæхæны хъæуы администрацийы сæрдар Аулохты Таймураз банысан кодта, сывæллæтты фæзуаты арæзтад у, сæйраджыдæр, у хъæуы хæрзарæзтады фарст.
Хъæуы цæрджытæ бузныджы ныхæстæ загътой районы сæргълæууæгæн сæ проблемæтæм хъусдарды тыххæй, бафтыдта пресс-секретарь.
Раздæхæны хъæуы цæрджытæ æрдзырдтой сæ проблемæтыл РХИ Ленингоры районы сæргълæууæгимæ
© Photo : Пресс-служба Ленингорского района