ЦХИНВАЛ, 8 июн - Sputnik. Хуссар Ирыстоны Мидхъуыддæгты министрады (МХМ) сæрмагонд дæлхайæдты кусджытæ сæххæст кодтой бирæкилометрон марш-бросок сæрмагонд сконды цæттæкæнынады фæлгæты, фехъусын кодта цыппæрæмы барадхъахъхъæнæг уагдоны пресс-службæ.
Милицийы сæрмагонд нысаниуæджы къорды хæстонтæ 170 адæймаджы скондæй сæххæст кодтой марш-бросок Уанат-Стырком-Залда-Сер маршрутыл, кæцыйы дæргъ уыд 15 километры.
Милицийы тагъд архайды къорды кусджытæ та сæххæст кодтой 12-километрон марш-бросок микрорайон "Хурзæрин"-æй сæ дислокацийы пункты онг.
"Сæрмагонд дæлхайæдты хæстонтæ сæххæст кодтой сæ хæслæвæрдтæ", - банысан кодтой МХМ.
Министрады бафтыдтой, зæгъгæ, хæстонтæ равдыстой, цæттæ кæй сты оперативон-службæйон хæстæ æххæст кæнынмæ.