ЦХИНВАЛ, 9 июн - Sputnik, Гæбæраты Элина. Хуссар Ирыстоны Ленингоры районы спортсмен Гуцаты Дзамболат ссис Советон Цæдисы хъайтар Хъоцыты Константины номарæн æхсæнадæмон турниры уæлахиздзау самбойæ. Турнир ацыд цыппæрæмы Дзауы поселочы, хъусын кæны РХИ Ленингоры районы пресс-службæ.
Турнир ссис традицион – йæ организатор у Дзауы районы фæсивæд æмæ спорты фæдыл дæлхайад. Ерысты æрвылаз хайад исынц Хуссар æмæ Цæгат Ирыстоны самбисттæ.
"Ленингоры сывæллæтты-æрыгæтты спортивон скъолайы хъомылгæнинаг Гуцаты Дзамболат фидарæй рамбылдта йæ тохтæ иууылдæр æмæ ссис Советон Цæдисы хъайтар Хъоцыты Константины номарæн æхсæнадæмон турниры уæлахиздзау самбойæ 62 килограммы уæзы категорийы", - банысан кодтой пресс-службæйы.
Гуцаты Дзамболат архайы самбойæ æртыккаг аз, йæхи æвдисы куыд курдиатджын спортсмен.