ЦХИНВАЛ, 13 июн - Sputnik. Хуссар Ирыстоны барадхъахъхъæнæг органтæ рагом кодтой цыппар фыдракæнды, кæцытæ регистрацигонд æрцыдысты республикæйы ивгъуыд къуыри, фехъусын кодтой дыццæджы Мидхъуыддæгты министрады (МХМ) пресс-службæйы.
"Иу къуыримæ республикæйы территорийыл регистрацигонд æрцыдысты цыппар фыдракæнды, уыдон иууылдæр раргом кодтой мидхъуыддæгты органтæ", - банысан кодтой министрады.
Афтæ ма уыцы период милици æхсæнадон фæтк фехалыны тыххæй æрурæдта дыууæ адæймаджы.
Фæндæгтыл уавæр
Республикæйы фæндæгтыл къуырийы дæргъы æрцыд дыууæ фæндагон-транспортон цауы, уыдонæй иуы фæстиуæгæн амард иу адæймаг.
Паддзахадон автоинспекцийы кусджытæ ивгъуыд къуыри сбæрæг кодтой фæндагон змæлды 248 фæткхалды, 11 шофыры фæдыл сарæзтæуыд административон протоколтæ автотранспорт нозтджынæй скъæрыны тыххæй.