ЦХИНВАЛ, 13 июн - Sputnik. Транскавказаг автомагистраль сӕхгӕдтой фӕндагон змӕлдӕн 15.00 сахатӕй, фехъусын кодта Цӕгат Ирыстоны Уӕлвӕткон уавӕрты министрады (УУМ) пресс-службӕ.
Уагдоны банысан кодтой, трассӕ кӕй сӕхгӕдтой боныгъӕды февзӕр ӕмӕ цъыфы зӕйты ӕрцыды тыххӕй, афтӕ ма фӕндагон службӕты рекомендацитӕм гӕсгӕ.
Транскавказаг магистраль цæуы уæлхох бынæтты æмæ у иунæг фæндаг кæцы иу кæны Хуссар Ирыстоны Уæрæсеимæ. Трассæйы дæргъ у 164 километры. Зымæджы æмæ уалдзæджы трассæйыл фæзыныц проблемæтæ хæххон бынæттæн характерон миты æмæ цъыфы зæйтæ.