ЦХИНВАЛ, 14 июн — Sputnik, Плиты Фатимӕ. Хуссар Ирыстоны Дзауы районы сыгъдӕг кӕнынц фӕндӕгтӕ тӕрккъӕвдайы фӕстиуджытӕй. Уый тыххӕй Sputnik-ӕн радзырдта районы хистӕр Тыбылты Ванда.
Ивгъуыд къуырийы кӕрон стыр къӕвдаты фӕстиуӕгӕн фӕласта фӕндӕгтӕ, Леуахи та раласта магистралон доны хаххы трубӕ ӕмӕ ныууагъта ӕнӕ донӕй республикӕйы столицӕ ӕмӕ Дзауы район.
"Фыццаг рады мах архайӕм фӕндагон бастдзинад саразын цӕрджытӕ ма кӕм ис, уыцы хъӕутӕм. Стӕй та бавналдзыстӕм аннӕ хъӕутӕм, кӕцыты ис улӕфӕн зонӕтӕ", - загъта районы разамонӕг.
Йӕ ныхӕстӕм гӕсгӕ, донивылдты фӕстиуӕгджытӕ иууыл аиуварс кӕнынӕн ракуырдтой уӕлӕмхас техникӕ Комавтодорӕй.