ЦХИНВАЛ, 15 июн — Sputnik, Плиты Фатимӕ. "Остелеком"-ы технологон ифтонгады цалцӕг кӕнӕн куыстыты аххосӕй компанийы офистӕ нӕ кусынц рӕстӕгмӕ, фехъусын кодта Sputnik-ӕн компанийы ӕхсӕнадимӕ бастдзинады сӕйраг специалист Бежанты Зӕринӕ.
Уымӕй размӕ компани фехъусын кодта, арвы цӕфы фӕстиуӕджы ифтонгад хъыгдард кӕй ӕрцыд, фӕзынд проблемӕтӕ бастдзинад ӕмӕ интернетимӕ.
"Остелеком"-ы технологон ифтонгады цалцӕггӕнӕн куыстыты аххосӕй компанийы офистӕ нӕ кусынц. Хыгъдыл фӕрӕзтӕ сӕвӕрыны тыххæй æмбæстæгтæн гӕнӕн ис спайда кӕнын Югтелеком ӕмӕ ИРтелекомы терминалтӕй", - загъта Бежанты Зӕринӕ.
Проблемæтæ аиуварс кæныны дырыс датæйы тыххæй уагдоны нырма ницы дзурынц.