ЦХИНВАЛ, 16 июн - Sputnik. Хуссар Ирыстоны президент Гаглойты Алан æрныхас кодта Уæрæсейы транспорты министр Виталий Савельевимæ дыууæ паддзахады ᾿хсæн уадзæн пункт "Дæллаг Зæрæмæг"-ы реконструкцийыл, хъусын кæны паддзахады сæргълæууæджы пресс-службæ.
Фембæлд ацыд Петербурджы æхсæнадæмон экономикон форумы фæлгæтты
"Бирæ азты дæргъы ис проблемæ уадзæн пункты радтимæ – тынг ахсджиаг фарст нын у. Дыууæ Ирыстон, Хуссар Ирыстон æмæ Уæрæсе иугæнæн фæндаджы уадзæн æууæлтæ куы фæхуыздæр уаиккой, уæд дзы пробкæтимæ проблемæ нал уаид", - загъта президент.
Президенты пресс-службæйы банысан кодтой, раздæр УФ хицауады сæрдар Михаил Мишустины адресыл æрвыст æрцыд официалон фыстæг РХИ президент Гаглойты Аланæй, уый фæстæ проблемон фарст – уадзæн пункт "Дæллаг Зæрæмæг"-ыл рахизынæн радтой ног импульс.