ЦХИНВАЛ, 20 июн - Sputnik, Плиты Фатимӕ. Ног мӕййӕ Хуссар Ирыстоны бирӕпрофилон медицинон центры райдайдзӕн кусын анестезиолог-реаниматолог, радзырдта Sputnik пресс-конференцийы рӕстӕджы ӕнӕниздзинад хъахъхъӕнынады министры хӕдивӕг Сиукъаты Родион.
"Фыццӕгӕм июлӕй нӕм ӕрцӕудзӕн кусынмӕ дохтыр анестезиолог-реаниматолог Новосибирскӕй. У хорз специалист, ӕмбары куыд сывӕллӕтты анестезиологи, афтӕ хистӕр адӕмы анестезиологи дӕр", - загъта уый.
Сиукъаты Родион ма бафиппайдта, Хуссар Ирыстоны ацы специалисттӕ кӕй ис цъус.