ЦХИНВАЛ, 22 июн – Sputnik, Дзæгъиаты Олег. Ирон хъæбысæйхæцæг Гобаты Артем рамбылдта æвзист майдан Уæрæсейы чемпионаты уæгъдибар хъæбысхæстæй Каспийскы.
Финалы 57 килограммы уæзы категорийы 19-аздзыд ирон спортсмен фембылд олимпиаг чемпин Завур Угуевæн.
Гобаты Артемæн ацы æвзист майдан ссис фыццаг Уæрæсейы чемпионатты.
Абон изæр, 22 июны, ацæудзысты ноджы дыууæ финалы Ирыстоны минæвæртты хайадистæй – Уæрæсейы чемпионаты сыгъзæрин майдантыл стох кæндзысты Уалыты Чермен (74 кг) æмæ Кæсæбиты Алина (62 кг).
Гобаты Артем ссис Уæрæсейы чемпионаты æвзист призер уæгъдибар хъæбысхæстæй
© Федерация спортивной борьбы РФ