ЦХИНВАЛ, 22 июн - Sputnik. Хуссар Ирыстоны делегаци, кæцыйы сконды уыдысты фæсарæйнаг хъуыддæгты министр Джиоты Æхсар æмæ республикæйы минæвар Уæрæсейы Гасситы Знауыр хайад райста Стыр Фыдыбæстон хæсты амæттæгты æмæ белоруссаг адæмы геноциды мысæн боны мадзæлтты, хъусын кæны хуссарирыстойнаг æддагполитикон уагдоны пресс-службæ.
"Хуссар Ирыстоны дипломаттæ адæмы номæй 22 июны сæвæрдтой дидинтæ Æнусон артмæ мемориалон комплексы "Брестская крепость-герой", - дзырдæуы хъусинаджы.
Стыр Фыдыбæстон хæсты райдианы 82-æм афæдзы бонæн нывонд мадзæлттæм арæнгæрон горæтмæ æрцыдысты 30-æй фылдæр официалон делегацийы.