ЦХИНВАЛ, 23 июн - Sputnik, Гæбæраты Элина. Хуссар Ирыстоны фæзынд проблемæтæ цифрон каналтимæ, йæ аххосаг сты тæрккъæвдатæ, уыдоны тыххæй басыгъд ифтонгад, фехъусын кодта Sputnik-æн Паддзахадон унитарон куыстуат "РХИ Телерадиохызæгты" генералон директоры хæдивæг Гæззаты Феликс.
Июны æмбисы нал куыстой цифрон телеканалтæ столицæ æмæ республикæйы районты. Цалдæр боны фæстæ каналтæ сæ куыст сног кодтой, фæлæ ма дзы баззад проблемæтæ.
"Цифрон телеуынынады æхæз радæттæн ифтонггарзы басыгъдысты æвзæр боныгъæды фæстиуæгæн. Уымæ æнæкæсгæйæ, мах сцалцæг кодта дыууадæс каналы бæрц, уыдонæй дыууæ ирон, аннæтæ та уæрæсейæгтæ", - банысан кодта Гæззаты Феликс.
Хæлд ифтонгад нывæндынц арвитын сцалцæг кæнынмæ Новосибирскмæ.
Гæззаты Феликсы ныхæстæм гæсгæ, тæрккъæвдайы фæстиуæгæн басыгъд 500-ваттон радæттæн ифтонггарз, уый фæдыл рахызтысты 100-ваттонтæм.
Уый ма бахахх кодта, районты каналтæ æвдисынимæ уавæр кæй у ныртæккæ хуыздæр столицæмæ абаргæйæ.
Гæззаты Феликсы хъуыдымæ гæсгæ, Хуссар Ирыстоны фидæн къуырийы кæронмæ хъуамæ æххæстæй сцалцæг кæной цифрон каналты куыст.