ЦХИНВАЛ, 27 июн – Sputnik, Плиты Фатимӕ. Хуссар Ирыстоны Нывгӕнджыты цӕдисы уӕнгтӕ бавдыстой сӕ куыстытӕ XIII Æхсӕнрегионалон аивӕдты равдыст "Юг России"-мæ, фехъусын кодта Sputnik нывгӕнджыты Цӕдисы хистӕр Битеты Алан.
Йӕ ныхӕстӕм гӕсгӕ, уый у сӕ фыццаг равдыст Уӕрӕсейы бирӕ ӕзты фӕстиаты фӕстӕ.
Йӕ ныхӕстӕм гӕсгӕ, уый у сӕ фыццаг равдыст Уӕрӕсейы бирӕ ӕзты фӕстиаты фӕстӕ.
"Равдыстмӕ балæвæрддæуыд нӕ нывгӕнджытӕй дӕсы куыстытӕ, ӕмткӕй 22 нывы. Хайад райсыны фадат уыд ӕппӕт нывгӕнджытӕн дӕр, ӕрмӕст сӕм уыд иу домӕн: бавдыстгонд нывтӕ хъуамæ фыст ӕрцыдаиккой фӕстаг фондз азы дæргъы",- загъта Битеты Алан.
Йӕ ныхӕстӕм гӕсгӕ, равдысты Хуссар Ирыстоны нывгӕнджытӕ хайад райстой Цӕгат Ирыстоны нывгӕнджыты цӕдисы ӕххуысӕй.
Экспозици байгом уыдзӕн 27 июны Ростов-на-Донуйы. Раздæр мадзалы организатортӕ фехъусын кодтой, равдыстыты кӕй уыдзӕн дыууӕ мин куысты бӕрц.
Экспозици байгом уыдзӕн 27 июны Ростов-на-Донуйы. Раздæр мадзалы организатортӕ фехъусын кодтой, равдыстыты кӕй уыдзӕн дыууӕ мин куысты бӕрц.