ЦХИНВАЛ, 29 июн - Sputnik, Гæбæраты Элина. Хусар Ирыстоны Ленингоры районы аиуварс кодтой дурлæбырдты фæcтиуджытæ – скъуыд æрцыд автомобилон бастдзинад Ларгуис æмæ Цхаваты хъæуты ᾿хсæн. Уый тыххæй Sputnik-æн радзырдта районы администрацийы пресс-службæйы сæргълæууæг Кокойты Анжела.
"Ацы мæйы райдианæй фæстæмæ бирæ дæлдзырæгты фæстиуæгæн Ларгуис æмæ Цхаваты ᾿хсæн иу километры дæргъ фæндагыл æркалд хохы къæдзæхджын хай, уый тыххæй фæндаг æхгæд æрцыд", - загъта Кокойты Анжела.
Йæ ныхæстæм гæгсæ, цауы бынаты цалдæр боны дæргъы куыста уæззау техникæ.
"Уæззау техникæйы фæрцы фæндаг сыгъдæггонд æрцыд", - загъта ныхасæмбал.
Ларгуис-Цхаваты фæндаджы дæргъ у æртæ километры бæрц.