ЦХИНВАЛ, 3 июл - Sputnik. Цхинвалы ацыд фæндагон змæлды æдасдзинады Паддзахадон автоинспекцийы 78-æм афæдзыбоны цытджын церемони.
Профессионалон бæрæгбонимæ кусджытæн раарфæ кодта криминалон милицийы сæргълæууæг Мамиты Эрислав.
"Сымах æрвылхатт æрцæут æххуыс кæнынмæ æндæр уагдонадты службæтæм æмæ алыхатдæр æмбæлонæй аскъуыдздзаг кæнут хæслæвæрдтæ. Фидар æнæниздзинад æмæ службæйы хъуыддаджы æнтыстытæ уын мæ зæрдæ зæгъы", - загъта уый.
Службæйон архайды æнтыстыты тыххæй кусджытæн радтой уагдонадон хорзæхтæ.