ЦХИНВАЛ, 4 июл – Sputnik. Мидхъуыддæгты министрады Информацион-кординацион центр дыццæджы нысан кæны йæ равзæрды авдазон юбилей. Уый цытæн йæ арфæйы ныхасы Хуссар Ирыстоны президент Гаглойты Алан банысан кодта ИКЦ иумæйаг куыст равдыста бæрзонд æмвæзады эффективондзинад фыдракæндты ныхмæ.
"Уыдон активон хайад исынц Уæрæсе æмæ Хуссар Ирыстоны æдасдзинадæн тæссаг фыдракæндты ныхмæлæуды мадзæлтты реализаци кæнынæн", - загъта президент.
Республикæйы сæргълæууæджы зæрдæ загъта ИКЦ кусджытæ æмæ сæ бинонтæн сабырад æмæ хорзæхтæ "уæлдайдæр ахæм уæззау рæстæджытæ æмæ вазыгджын процессты, кæцытæ цæуынц Уæрæсейы æмæ Хуссар Ирыстоны алыварс".
Афтæ ма ИКЦ кусджытæн арфæйы ныхас загъта Уæрæсейы минæвар Хуссар Ирыстоны Марат Кулахметов, банысан сын кодта сæ бæстон куыст æмæ профессионализм.