ЦХИНВАЛ, 5 июл - Sputnik. Хуссар Ирыстоны Орчъосаны хъæуы оперативон кусджытæ ссардтой хъæддаг гæны къутæртæ. Уый тыххæй хъусын кæны республикæйы МХМ пресс-службæ.
"Ленингоры районы МХФ æмæ Цъинагары мидхъуыддæгты хайады кусджытæ, профилактиком мадзæлттæ уадзгæйæ, ссардтой Орчъосаны хъæуы хуссайраг кæроны зæрдæмæхсайгæ къутæрты бынтæ. Сæ хъуыдымæ гæсгæ у хъæддаг гæн", - дзырдæуы хъусинаджы.
Куыд бафтыдтой уагдонады, оперативон кусджытæ агрономы хайадистæй систой наркотикон буарадимæ хæццæ зайæгойы 77 къутæры. Истгонд къутæртæ æрвыст æрцыдысты басгæрстмæ МХМ криминалистикон центрмæ.