ЦХИНВАЛ, 5 июл – Sputnik, Плиты Фатимӕ. Хуссар Ирыстоны Знауыры районы Хъорнисы коммӕ сараздзысты ног хид, донивылдты кӕцы бахъыгдард ис, уый бынаты, фехъусын кодта Sputnik Фӕндагарӕзтады комитеты сæргълæууæг Гӕбӕраты Алан.
Зӕронд хид иу кодта Знауыры районы хъӕутӕ – Хъорнис, Цъорбис, Сихиат ӕмӕ Ӕлыгуат республикон трассӕ Цхинвал-Знауыримӕ.
"Хиды реконструкци хаст уыд 2024 азы Инвестицион нывӕстмӕ, фӕлӕ мах бахъуыд йӕ арӕзтад фӕтагъд кӕнын, уымæн æмæ объект æрцыд аварийон уавӕрмӕ", – загъта Гӕбӕраты Алан.
Йӕ ныхӕстӕм гӕсгӕ, ныридӕгӕн цӕттӕ цӕуы хиды проект.
Ивгъуыд мӕйы тӕрккъӕвдайы фӕстӕ донивылдтӕ бахъыгдардтой зӕронд хиды цӕджындзтӕ ӕмӕ йӕ сӕхгӕдтой фӕндагон змӕлдӕн.