ЦХИНВАЛ, 7 июл - Sputnik, Козаты Диана. Хуссар Ирыстоны ахуырады министрады нывæсты ис ногæй æркæсын педагогон кусджыты аттестацийы тыххæй уынаффæмæ, афтæ ма сæ нысæнты критеритæм дæр. Ахæм барамынд радта республикæйы президент Гаглойты Алан уагдонады сæргълæууæг Лолаты Асланæн.
Куыд фехъусын кодта Лолаты Аслан, афтæмæй æххæстбартæ хъæуы радтын ахуырадон организацитæн æмæ сæ бындурæвæрджытæн. Уыдонæн уыдзæн бартæ радтын педагогтæн 12 æмæ 13 категоритæ.
"14 категорийы тыххæй æххæстбартæ баззайдзысты министрадмæ, уымæн æмæ уый у иууыл уæлдæр категори", - загъта ахуырады министр.
Афтæ ма ног азæй фæстæмæ фæивдзысты ахуырадон организациты къухдариуæггæнджыты аттестаци ацæуыны критеритæ.
Æдæппæтæй Хуссар Ирыстоны абоны бон ис 1330 педагогон кусæджы, уыдонæй 368 сты уæлдæр категорийы ахуыргæнджытæ.