ЦХИНВАЛ, 12 июл - Sputnik. Хуссар Ирыстоны Милицийы сæрмагонд нысаниуæджы къорды (МСНК) кусджытæ ауагътой ахуырадон æхстытæ службæйон пистолетæй къуындæг бынаты уавæры алыхуызон дистанцитæй. Уый тыххæй хъусын кæны республикæйы МХМ пресс-службæ.
Банысангонд æрцыд, сæрмагонд дæлхайады кусджытæ кæй равдыстой иттæг хорз реакци æмæ рæстдзæфдзинад.
Тренировкæтæ ацыдысты Хуссар Ирыстон æмæ Уæрæсейы мидхъуыдддæгты органты иумæйаг информацион-координацион центры территорийы тиры.
Хуссар Иры МСНК хæстонтæ бакуыстой къуындæг бынаты пистолетæй архайыныл
© МВД Республики Южная Осетия
Ахуырадон-тренировкæйон æхстытæ цæуынц уагдоны кусджыты моралон-психологон æмæ службæйон-хæстон цæттæдзинады 2023 азы нывæсты фæлгæтты. Æхсыны гæрзтæй дæсныдзинад хуыздæр кæндзысты МХМ æндæр дæлхайадтæ дæр.