ЦХИНВАЛ, 14 июл – Sputnik, Плиты Фатимӕ. Хуссар Ирыстоны паддзахадон ӕртагкӕнӕн станцы фӕфылдӕр ис ӕртаджы аргъ, уый баст у цы аргъӕй ӕлхӕд цӕуы, уыйимӕ, радзырдта Sputnik-ӕн экономикон райрӕзты министры хӕдивӕг Дыгъуызты Руслан.
Мӕйы райдайӕнӕй Цхинвалы ӕртаджы аргъ фӕфылдӕр ис, паддзахадон станцы аргъ фӕивтой иу сомы бӕрц, хисӕрмагонд станцты та дыууӕ сом ӕмӕ уымӕй фылдӕр.
"Югосетнефтепродукт"-ы станцы дӕсӕм июлӕй АИ-92 маркӕйы бензины аргъ фӕивта 46 сомӕй 47-мӕ. Дизелон ӕртаг дӕр лӕууы ныр иу сом зынаргъдӕр - 45 сомы. Ацы ивындзинӕдтӕ баст сты Уӕрӕсейы ӕртаг кӕй фӕзнаргъ ис, уыимӕ", - загъта уый.
Дыгъуызты Руслан ма бафиппайдта, бензин ӕмӕ дизелон ӕртаг уагдӕттӕн кӕй у зынаргъдӕр.
Хуссар Ирыстоны иунӕг паддзахадон ӕртагкӕнӕн станц у "Югосетнефтепродукт". Амалиуӕгад ӕртаг ӕлхӕны уӕрӕсейаг компании "Роснефть"-ӕй.