ЦХИНВАЛ, 14 июл - Sputnik. Милицийы кусджытæ ссардтой Цхинвалы æртæ дуканийы энергетикон нозты 134 банкæйы. Уый тыххæй хъусын кæны Хуссар Ирыстоны Мидхъуыддæгты министрады (МХМ) пресс-службæ.
"Дуканийы уæйгæнджытæ фехæлдтой "Энергетикон нозты æрбаласт, реализаци æмæ парахатыл тобæйы фæдыл" РХИ Закон", - дзырдæуы хъусинаджы.
Фæткхалджыты ныхмæ сарæзтæуыд административон æрмæджытæ, кæцытæ бадæтдзысты Цхинвалы тæрхондонмæ
Хуссар Ирыстоны энергетикон нозты реализацийы тобæ архайы 2012 азæй фæстæмæ. Фæткхалджытæм æнхъæлмæ кæсы ивар административон фæткхалды æрмæджыты конфискациимæ.