ЦХИНВАЛ, 14 июл - Sputnik. Фӕндагон-транспортон цау ӕрцыд цыппӕрӕмы ӕхсӕвы Цхинвалы Путины – 8 июны уынгты алвӕндагыл, хъусын кӕны Хуссар Ирыстоны МХМ пресс-службӕ.
Егъау фӕндагон-транспортон цауы фӕстиуӕгӕн зианбаййафджытӕ нӕй, банысан кодтой министрады.
Уагдоны радзырдтой аварийы лыстӕгдзинӕдтӕ: Nissan Fuga-йы шофыр нӕ сырӕхст скъӕрын ӕмӕ рахизӕрдӕм зилгӕйӕ ныццавта Mersedes хӕдтулгӕйы. Цӕфӕй Mersedes аппӕрста ныхмӕцӕуӕн фӕндагмӕ, уый фӕстиуӕгӕн сӕмбӕлд Toyota Camry хӕдтулгӕимӕ.
Nissan Fuga хӕдтулгӕ та цӕфӕй сӕмбӕлд бӕласыл. Аварийы фӕстиуӕгӕн бахъыгдард ноджы иу хӕдтулгӕ - Nissan Teana.
Цыппар хӕдтулгӕйы сӕмбӕлдысты Цхинвалы централон алвӕндӕгтӕй иуыл
© Пресс-служба МВД РЮО