ЦХИНВАЛ, 17 июл - Sputnik. Хуссар Ирыстоны столицæйы цæрæджы æрцахстой горæты цады районы æхсыны тыххæй, фехъусын кодта къуырисæры республикæйы Мидхъуыддæгты министрады (МХМ) пресс-службæ.
Цауы бынатмæ ацыд милицийы оперативон къорд, кæцы сбæлвырд кодта æмæ æрцахста горæты 39-аздзыд цæрæджы, радзырдтой уагдоны.
"Милицийы кусджытæ райстой фыдгæнæгæй Макаровы пистолет æмæ авд нæмыджы", - банысан кодтой МХМ.
Фыдгæнæджы бакодтой рæстæгмæдарæн изолятормæ, Цхинвалы мидхъуыддæгты хайад уадзы багæрст ацы цауы фæдыл.