ЦХИНВАЛ, 19 июл - Sputnik. Милицийы кусджытæ æрцахстой Цхинвалы цæрæджы, кæцы хæдтулгæйæ ныццавта йæ раздæры æмкъайы, хъусын кæны Хуссар Ирыстоны Мидхъуыддæгты министрады (МХМ) пресс-службæ.
Къуаисайы уынгыл æрцæугæ цауы тыххæй фехъусын кодта 55-аздзыд зианбаййафæг йæхæдæг.
"ВАЗ-2121" хæдтулгæйы шофыр, Цхинвалы 58-аздзыд цæрæг, йæ раздæры æмкъаимæ конфликты рæстæджы йæ ныццавта хæдтулгæйæ", - банысан кодтой уагдоны.
Аварийы фæстиуæгæн зианбаййафæджы бакодтой республикон бирæпрофилон медицинон центрмæ къухы цъæлимæ. Столицæйы мидхъуыддæгты хайад уадзы басгæрст ацы цауы фæдыл.