ЦХИНВАЛ, 21 июл - Sputnik, Козаты Диана. Хуссар Ирыстоны парламент хорзыл банымадта Томайты Спартакы кандидатурӕ Контролон-нымайӕн палатӕйы сӕргълӕууӕджы хӕдивӕджы бынатмӕ.
Томайты Спартакы снысан кӕнын фӕдыл куырдиат парламентмӕ бадӕтта президент Гаглойты Алан.
Томайты Спартакы кандидатурӕ депутаттӕ сфидар кодтой ӕмхъӕлӕсӕй.
Томайты Спартак фӕцис Цӕгат Ирыстоны паддзахадон университеты экономикон факультеты "Финансы и кредит" дӕйсныйад. Ныры онг уыд Контролон-нымайӕн палатӕйы развӕлгъау контролы Фӕткдаруаты оперативон басгӕрстты хайады сӕйраг специалист.