ЦХИНВАЛ, 21 июл – Sputnik, Плиты Фатимӕ. Хуссар Ирыстоны Паддзахадон унитарон куыстуат "Энергоресурс"-ы кусджытӕ райдыдтой архайын "Плодопитомник"-ы централон хай рухсӕй сифтонг кӕныны нысанӕн, загъта Sputnik-ӕн "Энергоресурс"-ы хистӕр Къӕбысты Ацӕмӕз.
Ныридӕгӕн цӕрӕн пункты ис 10 хӕдзары бӕрц, уыдонӕн се 'мбисмӕ рухс нӕй.
"Куыстытӕ ӕххӕст цӕуынц президент Гаглойты Аланы хӕслӕвӕрдмӕ гӕсгӕ. Аразынц рухсы лини ӕмӕ ӕвӕрынц трансформатор", - загъта уый.
Ивгъуыд къуыри президент Гаглойты Алан бабӕрӕг кодта ацы цӕрӕн пункт, уӕд уый бахӕс кодта, цӕмӕй цыбыр ӕмгъуыдмӕ лыг ӕрцӕуа рухсы проблемон фарст.