ЦХИНВАЛ, 24 июл – Sputnik. Хуссар Ирыстоны Мидхъуыддæгты министрады (МХМ) кусджытæ ссардтой столицæйы 31-аздзыд цæрæгмæ тобæгонд "снюс", хъусын кæны барадхъахъхъæнæг уагдоны пресс-службæ.
Нысангонд æрцыд, ВАЗ-2114 хæдтулгæйы кæй æрурæдта милицийы патрулон экипаж Сталины уынгыл.
"Басгæрсты рæстæджы хæдтулгæйы ссардтой æууилгæ тамако "снюс"-ы пакетиктæ. Æмбæстаг фехæлдта "Снюс", "Насвай" æмæ æндæр æууилгæ тамакоты æрбаласт, æвæрын, парахат æмæ пайда кæныныл тобæйы фæдыл" РХИ закон", - загътой пресс-службæйы.
Уадоны бафтыдтой, зæгъгæ, цауы фæдыл басгæрст уадзы Цхинвалы мидхъуыддæгты хайад.