ЦХИНВАЛ, 25 июл – Sputnik. Хуссар Ирыстоны Наркотиктæ уæй кæныны контролы фæдыл фæткдаруаты æмæ Знауыры районы Мидхъуыддæгты хайады кусджытæ ауагътой оперативон-фæдагуырдон мадзал Уисты хъæуы 55-аздзыд цæрæджы хæдзарадон бæтыхæйтты æмæ цæхæрадæтты.
Фæдагуырдон мадзæлтты рæстæджы скъæты уæладзæны ссардæуыд гæны 46 къутæры æнæ уидæгтæй. Истгонд æрмæджытæ æрвыст æрцыдысты МХМ экспертон-криминалистон центрмæ басгæрстмæ, æмæ уым бæрæггонд æрцыд, гæны хæйтты кæй ис наркотикон буарад тетрагидроканнабинол хус массæйæ 2295.00 гр.
Уымæй дарддæр ма хæдзары оперативон кусджытæ ссардтой тамако æнæ æмбæлон маркировкæйы - 3500 къоппы. Зæрдæхсайгæйы бакодтой рæстæгмæдарæн камерæмæ.