ЦХИНВАЛ, 25 июл - Sputnik. Цӕгат Ирыстоны Кировы районы Даргъкъохы хъӕуы сӕмбӕлдысты дыууӕ хӕдтулгӕйы "МАЗ" ӕмӕ "Митсубиси", хъусын кӕны республикӕйы Уӕлвӕткон уавӕрты министрады (УУМ) пресс-службӕ.
Аварийы фӕстиуӕгӕн "Митсубиси" хӕдтулгӕйы шофыр фӕмард бынаты, 29-аздзыд пассажир та райста буары цӕфтӕ.
Зынгфӕдисонтӕ сӕххӕст кодтой мадзӕлттӕ, цӕмӕй транспортон фӕрӕз ма ссудза.
УУМ пресс-службӕйы фехъусын кодтой, зианбаййафӕджы тагъд ӕххуысы хӕдтулгӕйыл кӕй ӕрбаластой Дзӕуджыхъӕуы Республикон клиникон рынчындонмӕ.