ЦХИНВАЛ, 28 июл - Sputnik. Балхынцъ сты экзаментӕ хуссарирыстойнаг абитуриенттӕн, кӕцытӕ цӕуынц уӕрӕсейаг ӕфсӕддон ахуыргӕнӕндӕттӕм, фӕлварӕнты хатдзӕгтӕ скӕндзысты ӕввахс рӕстӕджы, хъусын кӕны Хуссар Ирыстоны Хъахъхъӕнынады министрады пресс-службӕ.
"Конкурсон фӕлварӕнты хатдзӕгтӕ скӕндзысты ӕввахс рӕстӕджы, фӕстиуджытӕ фехъусын кӕндзысты абитуриенттӕ ӕмӕ сӕ ныййарджытӕн", - банысан кодтой уагдоны.
Экзаментӕ уагъд цыдысты Хъахъхъӕнынады министрады Кадетон скъолайы. Конкурсантты бауагътой экзаментӕм физикон цӕттӕдзинады нормативтӕ раттын, медицинон басгӕрст ӕмӕ психологон тестты фӕстӕ.
Экзаментӕ фыццаг хатт уагъд цыдысты цифрон форматы, процессмӕ ӕрбаздахтой уӕрӕсейаг специалистты ӕмӕ сӕрмагонд программон ифтонгад.