ЦХИНВАЛ, 1 авг – Sputnik, Тъехты Дзерассæ. Цæгат Ирыстоны премьер-министр Дзанайты Борис басгæрста хъæрмуатон комплекс "Алания"-йы арæзтадон куыстытæ республикæйы Горæтгæрон районы.
Инвестпроектмæ гæсгæ арæзт æрцæудзæн хъæрмуатон комплекс 60,2 гектарыл.
Хицауады сæрдарыл арæзтадон фæзуатыл сæмбæлд хъæрмуатон комплексы директор Вячеслав Сластен. Уый радзырдта, ныртæккæ уагъд кæй цæуынц зæххон куыстытæ, ласт цæуы конструктив æмæ æххæст кæнынц конструкциты монтаж.
"Бафыстам бадзырд нардуатон организациимæ æмæ ифтонгад æрбаласджытимæ", - загъта Сластен.
Йæ ныхæстæм гæсгæ, азы кæронмæ нывæндынц сæвæрын хъармгæнæн системæ æмæ æрбаласын инфраструктурæ, фидæн аз та бакæнын хъæрмуаты фыццаг этап – 32 гектары. Нывæндынц зайын кæнын премиалон томаттæ – черри æмæ коктейлонтæ.
Проекты иумæйаг аргъ у 16,9 миллиард сомы.
Проектон гуырахстмæ рахизгæйæ куыстуат дæтдзæн 33,8 мин тонны томаттæ иу азмæ. Проекты реализаци сараздзæн 876 куыстбынаты.
Цæгат Иры премьер бабæрæг кодта хъæрмуатон комплекс Горæтгæроны районы
© Sputnik / Дзерасса Техова