ЦХИНВАЛ, 3 авг - Sputnik. Наркотиктæм хъусдарды фæткдаруат æмæ уголовон фæдагуырды кусджытæ æрцахстой Цхинвалы 23-аздзыд цæрæджы, кæцы æнæзаконæй зайын кодта гæн Сверы хъæуы, афтæ ма йæхæдæг дæр пайда кодта наркотиктæй, хъусын кæны Хуссар Ирыстоны Мидхъуыддæгты министрады (МХМ) пресс-службæ.
"Оперативон кусджытæ ссардтой гæны фондз къутæры, уый сбæлвырд кодта экспертизæ дæр. Уымæй дарддæр зæрдæхсайгæ йæхæдæг пайда кодта гæнæй", - банысан кодтой уагдоны.
Уагдоны бафтыдтой, зæгъгæ, æвзонг нæлгоймагмæ æнхъæлмæ кæсы уголовон бæрндзинад гæн зайын кæныны тыххæй æмæ административон ивар гæнæй пайда кæныны тыххæй.