ЦХИНВАЛ, 4 авг – Sputnik. Хуссар Ирыстоны Ленингоры районы хосгæнæн уагдон райста æнæмæнгхъæуæг медицинон ифтонгад, дыууæ пысултæ æхсæн машинæ, астæрдон æмбæрзæн æмæ хуры тынтæй хъахъхъæнæн цъар.
Уымæй размæ йæ балцы рæстæджы Ленингоры районмæ президент бабæрæг кодта амбулатори æмæ бацымыдис кодта, цæмæй тыхсынц уагдоны кусджытæ.
Афтæ ма республикæйы сæргълæууæг балæвар кодта Ленингоры районы Культурæйы хæдзарæн синтезатор. Кафты ансамбль "Арвырон"-ы хайадисджыты сифтонг кæндзысты формæйæ мæйы кæронмæ.
Президенты номæй лæвæрттæ æрбахастой администрацийы сæргълæууæджы хæдивæг Тыбылты Алан, президенты æххуысгæнæг Плиты Алан, президенты контролон фæткдаруаты сæргълæууæг Цоциты Сæрмæт.