ЦХИНВАЛ, 11 авг – Sputnik. Руслан Гусаровы киноныв "Лентæ"-йы премьерон равдыст ацæудзæн Цхинвалы Хетæгкаты Къостайы номыл паддзахадон драмон театры 16 августы 19.00 сахатыл.
Киноныв равдисдзысты Æхсæнадæмон форум "Хуссар Ирыстон. Уæрæсейы Федерацийы рдыгæй республикæйы хæдбардзинад банымайыны 15 азы" фæлгæтты, кæцы цæудзæн Цхинвалы 15 æмæ 16 августы. Форумы организатортæ сты коммуникациты райрæзты Æхсæнадæмон институт МИР–МОСТ–ОСЕТИЯ, Тыбылты Алыксандры номыл Хуссар Ирыстоны паддзахадон университет æмæ Æхсæнадæмон информацион агентад æмæ радио Sputnik Хуссар Ирыстон. Форумы партнертæ – Республикæ Хуссар Ирыстоны хъахъхъæнынады министрад, коммуникациты райрæзты Национ институт (Мæскуы).
Автор Руслан Гусаровы лентæ "Сила"-йы дзырд цæуы бархионтыл, кæцытæ ластой гуманитарон æххуыс Республикæ Цæгат Ирыстон – Аланийæ, Кемерово, Калуга æмæ бирæ æндæр рæттæй.
Руслан Гусаров у зындгонд уæрæсейаг журналист. Телевизион журналистикæйы ис 1993 азæй фæстæмæ. Бирæ азты дæргъы уыд НТВ каналы Цæгат-Кавказаг центр. Гусаров у фæсивæдон проект "Маяки дружбы. Башни Кавказа"-йы автор æмæ разамонæг.
Руслан Гусаров
© Sputnik / Илья Питалев