ЦХИНВАЛ, 14 авг – Sputnik. Хуссар Ирыстоны Хъахъхъæнынады министрады делегаци министр Марат Павловы къухдариуæгадæй хайад исы Æхсæнадæмон æфсæддон-техникон форум "Армия-2023", кæцы цæуы Подмосковьейы 14-20 августы.
Делегацийы ма исынц хайад – РХИ Гарзджын тыхты Генштабы сæргълæууæг Болататы Алан, министры хæдивæг фæсчъылдымы фæдыл Танделаты Вепхия, министры хæдивæг сæрмагонд скондимæ куысты фæдыл Сабанты Инал, хъахъхъæнынады министры æххуысгæнæг Сулейманов Руслан.
"Масштабон мадзалы организатор у УФ Хъахъхъæнынады министрад, хайад дзы исынц æфсæддон уагдæтты делегацитæ æхсайæ фылдæр паддзахадæй. Форумы куыст райдыдта абон, кусынц парк "Патриот"-ы объекттæ, полигон Алабино, аэродром Кубинка, æрбавдыст æрцыдысты уæрæсейаг хъахъхъæнынадон-амалиуæгадон комплексы иу æмæ æрдæг мины амалиуæгады æмæ фæсарæйнаг паддзахæдты фирмæтæ", - дзырдæуы хъусинаджы.
Министрады бафтыдтой, форумы нывæсты кæй сты хъуыддагон æмæ зонадон программæтæ, ныхас фæсарæйнаг партнертимæ, контракттæ æрфыссын цыппар миллиард сомы аргъæй.
Афтæ ма форумимæ сбастой æхсæнадон æдасдзинады Мæскуыйы конференцийы, уымæй дарддæр ма ацæудзæн Дыккаг æхсæнадæмон антифашистон конгресс.