ЦХИНВАЛ, 14 авг - Sputnik. Хуссар Ирыстоны территорийыл ивгъуыд къуыри регистрацигонд ӕрцыд дыууӕ фыдракӕнды, уыдонӕй иу раргом кодтой мидхъуыддӕгты органтӕ, хъусын кӕны къуырисӕры Мидхъуыддӕгты министрады (МХМ) пресс-службӕ.
Афтӕ ма алыгъуызон ӕхсӕнадон фӕткхӕлдты тыххӕй Цхинвалы мидхъуыддӕгты хайады кусджытӕ бӕрнмӕ ӕрбаздахтой дыууӕ ӕмбӕстаджы.
Республикӕйы фӕндӕгтыл иу къуыримӕ ӕрцыд цыппар фӕндагон-транспортон цауы, иу адӕймаг бахъыгдард, банысан кодтой уагдоны.
Паддзахадон автоинспекцийы кусджытӕ ивгъуыд къуыри сбӕрӕг кодтой фӕндагон змӕлды 353 фӕткхалды, 24 шофыры фӕдыл сарӕзтӕуыд административон протоколтӕ автотранспорт нозтджынӕй скъӕрыны тыххӕй.