ЦХИНВАЛ, 15 авг – Sputnik, Плиты Фатимӕ. Хуссар Ирыстоны иуыл популярондӕр бынӕттӕй иу - Ленингоры районы Дзимыры коммӕ ссыгъдӕг кодтой фӕндаг, кӕцы донивылдтӕ фӕластой иу азы размӕ, фехъусын кодта Sputnik-ӕн районы администрацийы пресс-секретарь Кокойты Анжела.
Хуссар Иры Дзимыры коммӕ ссыгъдӕг кодтой фӕндаг
© Photo : Пресс-служба Ленингорского района
Дзимыры ком йӕ фендтаг бынӕттӕ ӕмӕ хосгӕнӕн минералон дӕттимӕ уыд ӕхгӕд азӕй фылдӕр.
"Фӕндаг сыгъдӕг кӕнынӕн хъуыд бирӕ техникӕ, уый тыххӕй ныффӕстиад сты куыстытӕ дӕр. Хъуыддаг алыг кӕнын бантыст иумӕйаг архайды фӕрцы, куыстой цӕрӕнуатон-коммуналон хӕдзарад ӕмӕ цӕрджытӕ дӕр. Фӕндаг канд ласгӕ нӕ ракодта, фӕлӕ дзы рафӕлдӕхт бӕлӕстӕ дӕр", - банысан кодта уый.
Йӕ ныхӕстӕм гӕсгӕ, ацы коммӕ фӕндаг уыд ахсджиаг туристтӕн ӕмӕ минералон донӕй чи пайда кӕны, уыдонӕн дӕр
Хуссар Иры Дзимыры коммӕ ссыгъдӕг кодтой фӕндаг
© Photo : Пресс-служба Ленингорского района