ЦХИНВАЛ, 15 авг – Sputnik. Руслан Гусаровы киноныв "Сила"-йы премьерон равдыст ацæудзæн Цхинвалы 16 августы Хетæгкаты Къостайы номыл Паддзахадон драмон театры.
Кинонывы æвдисдзысты Æхсæнадæмон форум "Хуссар Ирыстон. Уæрæсейы Федерацийы рдыгæй республикæйы хæдбардзинад банымайыны 15 азы" фæлгæтты, кæцы цæудзæн Цхинвалы 15-16 августы.
Форумы организатортæ сты коммуникациты райрæзты Æхсæнадæмон институт МИР–МОСТ–ОСЕТИЯ, Тыбылты Алыксандры номыл Хуссар Ирыстоны паддзахадон университет æмæ Æхсæнадæмон информацион агентад æмæ радио Sputnik Хуссар Ирыстон. Форумы партнертæ – Республикæ Хуссар Ирыстоны хъахъхъæнынады министрад, коммуникациты райрæзты Национ институт (Мæскуы).
Автор Руслан Гусаровы лентæ "Сила"-йы дзырд цæуы бархионтыл, кæцытæ ластой гуманитарон æххуыс Республикæ Цæгат Ирыстон – Аланийæ, Кемерово, Калуга æмæ бирæ æндæр рæттæй. Уыдон хуыйынц хъарм дзаумæттæ, иннæтæ аразынц пецтæ æмæ эвакуацион сынтытæ, æртыккæгтæ æрвитынц хæлцадон продукттæ. Иумæйаг сын у æфсæддонтæн баххуыс кæныны тырнынад, цæмæй банкъарой хæдзары хъарм. Кинойы автортæ уыдысты Белгороды областы æмæ бацыдысты волонтертæй раздзог æфсадмæ, уым солдаттæ радзырдтой, куыд ахсджиаг сын сты сыгъдæгзæрдæ хъусдард æмæ уæрæсейæгты уарзондзинад. Кинонывы хайы дзырд цæуы ирон æфсæддонтыл фронты æмæ фæсчъылдымы.
Руслан Гусаров у зындгонд уæрæсейаг журналист. Телевизион журналистикæйы ис 1993 азæй фæстæмæ. Бирæ азты дæргъы уыд НТВ каналы Цæгат-Кавказаг центры разамонæг. Гусаров у фæсивæдон проект "Маяки дружбы. Башни Кавказа"-йы автор æмæ разамонæг.