ЦХИНВАЛ, 16 авг – Sputnik, Плиты Фатимӕ. Хуссар Ирыстоны президент Гаглойты Алан схорзӕхджын кодта паддзахадон унитарон куыстуат "Водоканал"-ы кусджыты Кады грамотатӕй.
Водоканалы кусджыты схорзӕхджын кодтой доны хӕтӕлы егъау аварийы аиуварс кӕныны тыххӕй
© Sputnik / Мария Санакоева
Уагдоны кусджыты паддзахадон хорзӕхтӕй рахицӕн кодтой сӕ куысты тыххӕй магистралон доны хахх "Едыс-Цхинвал"-ы егъау аварийы рӕстӕджы. Уӕд Леуахи рахаста доны хаххы трубӕ, ӕнæ донӕй баззадысты Цхинвал ӕмӕ поселок Дзау.
"Ӕз мӕхӕдӕг уыдтӕн ӕвдисӕн, ӕхсӕвӕй-бонӕй куыд куыстат авари аиуварс кӕныныл, сымах уӕ тыхтӕ радтат, цӕмӕй адӕм ма фӕтыхсой. Уӕ архайд нымайын хъӕбатырдзинадыл", - загъта Гаглойты Алан.
Уый ма бафиппайдта, уагдоны хистӕрӕй Сиукъаты Иваны куы сӕвӕрдтой, уӕдӕй фӕстӕмӕ "Водоканал"-ы куыст фӕхуыздӕр ис.
Водоканалы кусджыты схорзӕхджын кодтой доны хӕтӕлы егъау аварийы аиуварс кӕныны тыххӕй
© Sputnik / Мария Санакоева