ЦХИНВАЛ, 21 авг – Sputnik, Тъехты Дзерассæ. Хуыцаубонæй къуырисæрмæ æхсæвы Цæгат Ирыстоны Дыгургомы Кора-Урсдоны хъæуы æрцыд зæххæнкъуыст 2,4 магнитудæйы.
Уый тыххæй аппаратон æмбырды радзырдта хицауады сæрдары хæдивæг Тамайты Ирбег.
"Йæ тых фиксацигонд не ᾿рцыдис, цæрджытæ дæр нæ дзырдтой телефонæй", - загъта уый.
2023 азы райдианы Дзæуджыхъæуы УЗА Геофизикон институты зонадон центры зонадон къухдариуæггæнæг Владислав Заалишвилийы ныхæстæм гæсгæ, Цæгат Ирыстоны зæххæнкъуыстытæ аст æмæ фараст баллы гæнæн ис æмæ уой, фæлæ сæ развæлгъау базонын тынг зын у. Йæ хъуыдымæ гæсгæ, гæнæн ис зæххæнкъуыстæн лæууæн хæдзæрттæн амайын.