ЦХИНВАЛ, 24 авг – Sputnik, Плиты Фатимӕ. Хуссар Ирыстоны хӕдбардзинады Уӕрӕсейы 'рдыгӕй банымайыны бӕрӕгбонӕн нывонд згъорды фӕбӕрӕг сты хуыздӕр лидзджытӕ чызджытӕ ӕмӕ лӕппуты хсӕн.
Згъорды нӕлгоймӕгтӕ басастой 21 километры дистанци, чызджытӕн фӕлварӕн уыд чысыл рогдӕр, уыдон алыгъдысты 12 километры.
Финишмӕ фыццаг ӕрхӕццӕ сты чызджытӕ, фыццаг бынатыл ацыд Самарӕйы ӕрцӕуӕг туристкӕ Анна Хуторная, йӕ фӕстӕ финишмӕ бахӕццӕ рог атлетикӕйы спортсменкӕ Бекъойтӕ Александра , ӕртыккаг призер ссис Икъаты Миленӕ, кӕцы уыд чызджыты згъорды лидер, фӕлӕ финишмӕ ӕввахс сӕвзӕр.
Победительница марафонского забега ко дню признания независимости Южной Осетии Россией Анна Хуторная из Саратова.
© Sputnik / Мария Санакоева
Стырдӕр конкуренци уыд нӕлгоймӕгты хсӕн, лидзджыты ӕппӕт нымӕц уыд 52, уыдонӕй 42 уыдысты нӕлгоймӕгтӕ.
Фыццаг финишмӕ ӕрхӕццӕ къуайсайаг лӕппу, футболист Наниты Альберт. Йӕ фӕстӕ згъорды дистанци басаста 14-аздзыд боксер Багаты Арсен. Ӕртыккаг призер та ссис паддзахадон автоинспекцийы кусӕг Дзеранты Георгий.
Ерысты призон фонд ӕмткӕй уыд 200 мин сомы. Финансон фӕрӕзтӕ хицӕн ӕрцыдысты президентон фондӕй. Ерыстӕ бацӕттӕ кодта фӕсивӕдон политикӕ ӕмӕ спорты комитет.