ЦХИНВАЛ, 28 авг — Sputnik, Тъехты Дзерассæ. Сергей Меняйло бахæс кодта Цæгат Ирыстоны Мидхъуыддæгты министрадæн фæтыхджындæр кæнын профилактикон куыст цæрджытимæ. Уый бахахх кодта, улæфт бонты арæх кæй æрцæуынц фыдракæндтæ – æхстытæ чындзæхсæвты æмæ хылтæ.
"Кæд ахæм цатæ цæуой, уæд хъæуы бæрæг кæнын аххосджынты æмæ исын мадзæлттæ закъонмæ гæсгæ", - загъта Меняйло аппаратон рабадты рæстæджы.
Меняйло бахæс кодта Цæгат Иры МХМ фæтыхджындæр кæнын профилактикон куыст цæрджытимæ
© Sputnik / Дзерасса Техова
Хицауады сæрдары хæдивæг Томайты Ирбегæн бахæс кодтой сæххæст кæнын мадзæлттæ ФТЦ рагфæдзæсхты фæдыл – регионы сæргълæууæг банысан кодта, республикæйы фæндæгтыл авариты нымæц кæй фылдæр кæны.
Улæфт бонты æрцахстой æвзонг лæппуйы, кæцы æхста чындзæхсæвы. Полицийы кусджытæ æрцахстой "ЛАДА Гранта" хæдтулгæйы 22-аздзыд пассажиры, кæцы фехста уæлдæфы автоматæй. Æвзонг лæппуйы æркодтой полицийы хайадмæ дарддæры равзæрстмæ.