ЦХИНВАЛ, 29 авг — Sputnik. Цхинвалы администрацийы коллеги къуырисæры суæгъд кодта æхсæнадон цæрæнуатон къамисы сконд æнæэффективон куысты тыххæй, уынаффæ мыхуыргонд æрцыд мэрияйы сайтыл.
Уагдоны банысан кодтой, скъуыддзаг рахастой уымæн æмæ цæрæнуаты уавæртæ фæхуыздæр кæнынмæ рады лæууæг адæмæй фæфылдæр сты куырдиæттæ, афтæ ма къамисы кæцыдæр уæнгтæ систематикон æгъдауæй нæ цыдысты æмæ дзы кворум нæ æмбырд кодта.
Æхсæнадон цæрæнуатон къамисы сконд сфидар кодтой фарон сентябры. Къамисы ног сконд арæзт æмæ фидаргонд æрцæудзæн сентябры райдианы.
Скъуыддзаг æххæст кæнынмæ йæ цæст дардзæн горæты мэр Хуыгаты Ромео.