ЦХИНВАЛ, 30 авг – Sputnik, Дзæгъиаты Олег. Паддзахадон тырысайыл схæцын æмæ Хуссар Ирыстоны гимн сæххæст кæныны церемони хъуамæ цæуа æрвыл ног ахуыры къуырийы райдианы республикæйы æппæт скъолаты. Уый тыххæй æрвылазон педагогон конференцийы рæстæджы радзырдта Хуссар Ирыстоны ахуырад æмæ зонады министр Лолаты Аслан.
Уымæй дарддæр ма министр барамынд радта бакусын республикæйы скъолаты 6-7 кълæсты ирæтты традицон-монон хæзнайы тыххæй уроктæй æддæ классон сахаттæ "Сæйрагыл ныхас"-ыл.
Æрвылазон педагогон конференци ацæуы Цхинвалы августы мæйы. Конференцийы куысты хайад райсы республикæйы къухдариуæгад президент Гаглойты Аланы сæргълæудæй.