ЦХИНВАЛ, 30 авг - Sputnik. Президент Гаглойты Алан арвыста тæфæрфæсы тел Уæрæсейы Паддзахадон академион Стыр театры гендиректор Владимир Уринмæ зынгæ балеринæ æмæ педагог, Советон Цæдис æмæ Хуссар Ирыстоны Адæмон артисткæ, РХИ аивæдты Сгуыхт архайæг Адырхаты Светланайы мæлæты фæдыл.
Гаглойты Алан тæфæрфæс ракодта Адырхаты Светланайы хиуæттæн.
"Мах æнустæм нæ ферох кæндзыстæм Адырхаты Светланайы ном – Ирыстоны иуыл хуыздæр чызджытæй иу, ирд гоймаг æмæ стыр мастер", - дзырдæуы тæфæрфæсы телы.
Адырхаты Светлана ахицæн йæ цардæй хуыцаубоны 85 азы кары. Фæстаг хæрзбон зæгъыны церемони ацæудзæн 30 августы Стыр Театры.
Адырхаты Светлана райгуырд 1938 азы 12 майы Цæгат Ирыстоны Хуымæллæджы хъæуы. 1995 азы каст фæцис Ленинграды хореографион ахуыргæнæндон. 1980 азы та каст фæцис балетмейстерон хайад Театралон аивады паддзахадон институты (ГИТИС). 1984 азы йын радтой "ССРЦ Адæмон артисткæ"-йы ном.