ЦХИНВАЛ, 4 сен – Sputnik, Плиты Фатимӕ. Хӕрзаудӕн дукани "Хуры тын" ног ахуыры азмӕ ауагъта акци, уый сцӕттӕ кодта 30 ахуырдзауы бӕрц скъоламӕ, фехъусын кодта Sputnik-ӕн дуканийы хицӕуттӕй иу Хъуылымбегты Елена.
Хӕрзаудӕн дукани конд ӕрцыд 2019 азы, уый ссис амалджын ӕмӕ ӕххуысысхъуаг адӕмӕн ӕхсӕны пункт.
"Хӕрзаудӕн дукани "Хуры тын" сифтонг кодта 12 чызг ӕмӕ 17 лӕппуйы скъолайы дарӕсӕй ног ахуыры азмӕ. Ӕрмӕст, хъыгагӕн, нӕлгоймӕгтыл дзабыртӕ нӕ аххӕсыдысты", - загъта Хъуылымбегты Елена.
Уый ма бафиппайдта, дукани цӕттӕ кӕй у дарддӕр дарӕс уарынмӕ ӕмӕ йӕ райсынмӕ дӕр. Дуканийы дуӕрттӕ конд сты райсом фараст сахатӕй иуӕндӕсмӕ.
Хӕрзаудӕн дукани "Хуры тын" ног ахуыры азмӕ сцӕттӕ кодта 30 ахуырдзауы бӕрц
© Photo : Из личного архива Елены Кулумбеговой