ЦХИНВАЛ, 5 сен – Sputnik. Хуссар Ирыстоны ахуырадон уагдæтты цытджын ралæудтæ Зонындзинæдты боны ацыдысты æнæ цаутæй, хъусын кæны республикæйы МХМ пресс-службæ.
"Ног азы райдайӕны мидхъуыддæгты органтæ сæххæст кодтой æппæт æнæмæнгхъæугæ мадзæлттæ, æмбæстæгты фæтк æмæ æдасдзинад бахъæхъхъæныны тыххæй", - банысан кодтой уагдоны.
ПАИ органтæ уæлдай хъусдард аздæхтой фæндагон змæлды æдасдзинадмæ – регулировкæ кодтой автотранспорты змæлд ахуырадон уагдæтты цур æмæ хъус дардтой уагæвæрдмæ мадзæлты фæудмæ.
Зонындзинæдты боны размæ МХМ сæрмагонд сконд ахызт кусыны фæтынгдæргонд режиммæ, æппæт скъолаты цур лæууыдысты хъахъхъæнджытæ.