"Кæнæ сæрибар, кæнæ — мæлæт!" — ацы базырджын зарæг Хуссар Иры хæхтæ æмæ кæмтты тахти, разæнгард кодта фæсивæды тохы быдырмæ.
Ирыстоны Хуссар хайы хъæуты арæзт æрцыдысты æфсæддон къордтæ æмæ балтæ. Тома æмæ Цопаны партизантæ дæр цæттæ уыдысты хæстмæ. Хъуамæ 1919 азы, октябры мæйы, Гуырдзыстоны ныннæрыдаид иумиаг растад.
Фæлæ уый не ’рцыд. Крайон Комитеты тохы нывæзтытæ бахаудтой меньшевикты хицауады къухмæ æмæ иумиаг растадæн аразæн нал уыд. Нал уыд, хицæн хъæуты дæр хицауад байсыны фадат, фæлæ уæддæр Ручъы фæсивæд фæсырдтой меньшевикты.
Дарддæр Гафезы аудиочиныг "Æмбæлццæттæ"-мæ хъусут Sputnik Хуссар Ирыстоны.