ЦХИНВАЛ, 10 сен - Sputnik. Хуссар Ирыстоны президент арвитдзæн СÆО зонæйы ирон дæлхайадты æфсæддонтæн автотранспорт.
Гуманитарон уаргъ, зынвадат фæндæгтыл цæуæг хæдтулгæтимæ иумæ, ирон хæстонтæн æрвыст æрцæудзæн автомобиль "УАЗ", фехъусын кодта журналисттæн президенты æххуысгæнæг Плиты Алан.
"Паддзахады сæргълæууæг сæрмагонд операцийы ауадзыны зонæмæ кæй арвитдзæн зынвадæтты цæуæг хæдтулгæтæ æмæ гуманитарон уаргъ, уый базонгæйæ ирон дæлхайадты хæстонтæ бузныджы ныхас загътой Гаглойты Аланæн, æнæрлæугæ цæстдард æмæ æххуысы тыххæй æмæ фехъусын кодтой, хæстон хæслæвæрдты тыххæй сæ æнæмæнгæйдæр кæй хъæуы автомобиль "УАЗ". Цыбыр æмгъуыдмæ, президенты барамындмæ гæсгæ, автомобиль уыд æлхæд æмæ тагъд рæстæджы æрвыст æрцæудзæн СÆО зонæмæ иннæ гуманитарон уаргъ æмæ хæдулгæтимæ", - загъта ныхасæмбал.
Ацы масштабон гуманитарон æххуысы парти президенты ᾿рдыгæй у æртыккаг. 2023 азы апрелы мæйы Гаглойты Алан йæхæдæг баласта гуманитарон æххуысы парти 4-æм æфсæддон базæйы æфсæддонтæ, батальонтæ "Шторм" æмæ "Алания"-йы бархионтæн.